Նյութի հեղինակ՝ Սուսաննա Սարգսյան
Պլանավորված գնումներ կատարեք
ԱՀԿ-ն նշում է, որ շատ են նկատվում պանիկ գնումները և զգուշացնում, որ դա կարող է հանգեցնել մթերքների գնային աճի և սննդի ոչ հավասար բաշխման:
- Պետք է հաշվի առնել և՛ ձեր իրական պահանջները, և՛ մյուսներինը:
- Պլանավորեք գնումները, ստուգեք ինչի պակաս ունեք:
- Մի մոռացեք օգտագործել այն, ինչ արդեն իսկ կա տանը, հատկապես կարճաժամկետ պահպանման մթերքները:
Այսպիսով կխնայեք, և սննդի հավասար բաշխում տեղի կունենա:
Իսկ Եթե պատվիրում եք սնունդ՝․․․
- Վստահ եղեք, որ առաքող կազմակերպությունը պահպանում է պատրաստման և առաքման բոլոր հիգենիկ պայմանանները և պատրաստման ընթացքում սննդի հետ շփումը մինիմալ է:
- Առաքվող սնունդը պետք է առաքել ճիշտ ջերմաստիճանում՝ 5°C-ից ցածր, կամ 60°C-ից բարձր:
Փորձեք պատրաստել տանը՝ հետևելով առողջ սննդի մասին ցուցումներին:
- Հետևեք չափաբաժնին:
- Երկար տանը մնալը և քիչ ֆիզիկական աշխատանքը կարող է հանգեցնել overeating-ի:
Պահպանեք սննդի հիգենիկ կանոնները:
- Մաքուր պահեք խոհանոցը, սպասքը, ձեռքերը:
- Առանձնացրեք հում մթերքները (միս, ձուկ) թարմ մթերքներից:
- Մանրակրկիտ եփեք սնունդը:
- Պահեք սնունդն ապահով ջերմաստիճանում (5°C-ից ցածր, կամ 60°C-ից բարձր):
Մրգեր և բանջարեղեններ երկարաժամկետ պահպանման համար
ԱՀԿ-ն խորհուրդ է տալիս 400գ միրգ և բանջարեղեն օգտագործել ամեն օր:
Գնումների լավ տարբերակներ են՝
- Ցիտրուսներ՝ նարինջ, թուրինջ
- Բանան և ելակ
- Կարող եք կտրատել և սառեցնել՝ հետագա օգտագործման համար, կամ պատրաստել սմուզիներ:
- Արմատային բանջարեղեններ՝ գազար, շաղգամ, ճակնդեղ
- Առանց օսլա բանջարեղեններ՝ բրոկկոլի, ծաղկաղամբ
- Սոխ, սխտոր և կոճապղպեղ (Այս մթերքները երկար են պահպանվում և լավ տարբերակ են տարբեր ճաշատեսակներին համ հաղորդելու համար, ՈՉ ԱՎԵԼ):
Սառեցված մրգեր և բանջարեղեններ
Սառեցված մրգերը և հատապտուղները շարունակում են մնալ լավ տարբերակներ՝ նրանք պարունակում են շատ բջջանյութեր և վիտամիններ:
- Կարելի է ավելացնել յոգուրտների մեջ, սմուզիներ, հյութեր պատրաստել:
- Սառեցված բանջարեղեններով կարելի է պատրաստել ապուրներ՝ հեշտ և արագ:
Ամբողջահատիկ մթերքներ
- Ամբողջահատիկ բրինձը և մակարոնները, վարսակը, հնդկաձավարը, հաճարը և մնացած ամբողջահատիկները լավ տարբերակներ են սննդի համար: Պահպանման ժամկետը երկար է, հեշտ են պատրաստվում և պարունակում են շատ բջջանյութեր:
- Ամբողջահատիկներից պատրաստված հացը և չորահացերը, ևս լավ տարբերակներ են:
Չորամրգեր, ընկուզեղեն և սերմեր
Իրենց կարող եք օգտագործել յոգուրտների, աղցանների և այլ ճաշատեսակների մեջ: Փորձեք ընտրել առանց շաքարի և աղի տարբերակները:
Լոբազգիներ
- Սիսեռը, լոբին, ոսպը և մյուս լոբազգիները սպիտակուցի, բջջանյութի, վիտամինների լավ աղբյուր են:
- Կարող եք նաև ընտրել պահածոյացված լոբազգիներ:
Պահածոյացված մթերքներ
- Չնայած որ սառեցված և թարմ մթերքները շատ ավելի նախընտրելի են, բայց պահածոյացված մթերքների պահպանման ժամկետները ավելի երկար են: Նրանք անհրաժեշտ են, որպեսզի ապահովեն բանջարեղենների բավարար քանակի ընդունումը: Օրինակներ՝ պահածոյացված սունկ, ոլոռ, լոլիկ, կանաչ լոբի:
- Փորձեք ընտրել տարբերակներ, որոնք քիչ աղ են պարունակում, կամ ընդհանրապես չեն պարունակում:
Ձու
- Ձուն սպիտակուցի իդեալական աղբյուր է:
- Պատրաստման մի շարք տարբերակներ կան:
Պահածոյացված ձուկա
- Պահածոյացված ձկները սպիտակուցների և օգտակար ճարպերի լավ աղբյուր են:
- Փորձեք ընտրել ձկներ պահածոյացված ջրի մեջ, ոչ թե յուղի:
Քիչ յուղայնությամբ կաթնամթերք
- Կաթնամթերքը սպիտակուցների և այլ սննդանյութրի մատչելի աղբյուր է:
- Ընտրեք քիչ յուղայնությամբ կաթնամթերք, լավ տարբերակ, որպեսզի նվազեցնեք ճարպի ընդունումը, միևնույն ժամանակ ստանաք կաթնամթերքների անհրաժեշտ սննդանյութերը:
Թողնել մեկնաբանություն